注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

(● ̄▽ ̄●)雀大人の雀★巢

☆Do you remember me?☆

 
 
 

日志

 
 

2012生日快樂  

2012-08-01 18:41:21|  分类: 年年有今日 |  标签: |举报 |字号 订阅

  下载LOFTER 我的照片书  |

今日我好感動

親愛既老婆曹鳳琳小姐準備佐好多驚喜俾我,雖然害到我周圍走既時候我有D發脾氣

但如果我講其實我大概估到你係專登洗開我既,然後我又專登配合俾你洗開既話,唔知你會點捻呢?

哈哈,自以為耍點小聰明就玩到我既老婆大人,你失算啦,我早就知道你唔洗開我又點俾驚喜我?

所以我本住做戲既精神都好入戲咁扮到真係俾你洗開咁~

其中最令我感觸既,就係去到江南西間K記門前……

還記得半年前再多D既19號,係呢間K記撮合佐我地,當晚我地成班人係糖果唱完K,結果落雨,個個都好狼狽咁摞住酒行到臭衝邊,等佐好耐唔停雨,然後你話急尿,於是我地就去K記,點知K記廁所唔俾入,然後你就同我飛的翻佐我屋企,跟住我地就十分意外咁一齊佐了……

回想起呢一切,只覺天意弄人,註定要我地一齊真係冇辦法抵擋

回到現在,跟住我翻到屋企,發現你唔係度,你係電話度叫我入房望右邊,當我見到你布滿心思貼係我衣櫃上面用好多張你親筆寫既貼紙貼成既心形時,我感動到幾乎流眼淚,然後再一張一張望翻上面寫乜既時候,我感動到喊了,以下每一行都係每一張紙既內容原文:

其實你知唔知,我好愛你,I love you

我地一起本身就係個意外,不過我唔後悔。

去到K記,有冇霖翻我地1.19號滴野啊!要你走來走去,對唔住啊!

可唔可以以後就只對我一個好,如果真係要呃,請你呃我一世!

有冇挂住我,以後就曬我,好冇啊!!咁様我唔會再做滴離奇舉動了……

以後每天都可以跟你在一起好嗎?

其實我好傻,你知唔知,同你一起,我霖佐好多次放棄,但係我冇。

要對我越來越好,知唔知?我愛你,寶貝。

關於梁生我可以同你講噶,只有抱歉,我冇動搖,真係冇。

以後既日子有我陪住你,唔好輕言放棄好冇?

生日快樂,生日快樂。

以上一共19張貼紙內容,令我感動到淚流滿面,我未試過咁様……

然後見到有個黑盒,裝住你送俾我既生日禮物——Zippo情侶火機,好靚我好中意

打開冰箱,仲有你親手整俾我既心形生日蛋糕,我真係好開心,從來冇任何一條女親手整過蛋糕俾我

上天臺穩到你,你同我講佐好多好感動既說話,講個秘密俾你聽,其實我當時強忍住眼淚,我真係感動到冇辦法用語言形容,你對我實在太好,我好抱歉岩開始同你一齊既時候未放低前度,仲要對你愛理不理剩係成日挂住做野忽略你,甚至舊四個晚被逼放你飛機,你吵住我訓覺我居然拉你黑,對你態度咁衰既我,居然仲得到你無私既愛,之前我仲呃佐你咁多野,好對唔住,我以後唔會既了,我一定會好好愛你,絶不會動搖,無論風吹雨打,日月更替,我都會愛你直到最後

曹鳳琳,我余榮耀發誓此生非你不娶,除非我死了,否則我決不可能放棄你或不愛你,雖然我而架冇能力,但我會努力俾到我可以得到既最好既你,我會發奮,以後好好養你同我地以後既仔,唔會再俾悲劇重演!當有需要我放棄你或唔愛你既一日,就只會係我死去之時!

祝自己生日快樂,呢個生日雖然過得好普通,但我好快樂!曹鳳琳,有你陪伴,此生無憾!

  评论这张
 
阅读(438)| 评论(0)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017