注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

(● ̄▽ ̄●)雀大人の雀★巢

☆Do you remember me?☆

 
 
 

日志

 
 

生在广州既00后以及再下代人莫非真係会遗弃粤语?  

2010-07-12 07:25:45|  分类: 一事无成 |  标签: |举报 |字号 订阅

  下载LOFTER 我的照片书  |

琴晚我香港既阿婆生日,我带埋暴猪去咗美景食饭

席中既成年亲戚全部都係讲广州话既,冇一个讲普通话

过程省略,重点係最后

切蛋糕前,唱生日歌,我地决定由其中一个小朋友带头唱(我D疏堂表弟),距係个正宗00后,好似係岩读小学

正常离讲我地广州人唱生日歌唔係用英文唱就係用广州话唱,但距居然一开始就用普通话唱……

但係距係识讲广州话既,因为我席间听距讲过,距都识听广州话,因为我地成年人中冇人用普通话交流

如果话生日歌问题未算大既话,接落离既问题更加大

切蛋糕既时候我地叫距讲个故事比我阿婆听,结果距居然全程用普通话讲咗一个故事出离

重点係呢度:当我地叫距用广州话讲多次呢个故事,因为我阿婆係香港人,唔多识听普通话,好多意思都听唔明,但呢个小朋友居然拒绝咗,距用广州话讲咗拒绝既理由出离:我唔係咁熟白话(广州话)……

距既父母同祖辈都唔係讲普通话既,我留意过距地都冇同距用过普通话交流,咁点解距会变成“普通话比广州话更熟”?

我见到距同另一个小朋友玩既时候,追逐间係用普通话交流既,即係话呢两个00后既小朋友,即使离开咗学校,大家玩既时候都係以普通话离沟通

而我最细嗰个表妹,都係00后,都係读小学冇几耐,距日常都经常讲普通话

见到呢几幕,令我觉得好忧心,而家连係广州土生土长既00后小朋友居然都会变成以普通话为沟通主要语言,粤语居然唔够讲普通话熟,咁若干年后,00后之后既嗰几代人,会唔会变成唔识讲粤语?全部只识讲普通话?如果情况係咁落去,广州以后仲会存在粤语么?我地既粤语莫非要係历史音像资料或港澳先可以听到?

亦可睇得出现今既语言教育,问题非常大,过分推普既负面影响可见一斑,试图从下一代既身上从细开始抹杀去粤语文化既策略睇离已见成效,假若情况再继续落去,我地再冇办法令当权者检讨现今既语言教育及改变对待语言既政策既话,粤语从下几代人既身上消失呢个问题恐怕係“指日可待”了

如果再从广播语言中将粤语抹杀,恐怕会更加速粤语从下几代人既身上消亡

由此可见,纪可光等诸如此辈,其心叵测,司马昭之心,实在係路人皆见了

  评论这张
 
阅读(391)| 评论(26)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017