注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

(● ̄▽ ̄●)雀大人の雀★巢

☆Do you remember me?☆

 
 
 

日志

 
 

最近确实比较霉……  

2010-06-08 23:23:01|  分类: 一事无成 |  标签: |举报 |字号 订阅

  下载LOFTER 我的照片书  |

一开头卖个广告先,我新开咗个微博http://t.sina.com.cn/wingyubird,以后我会係“围勃”发布一D比较简短既关于自己既新消息,而详细既,我会继续係呢个BLOG发布架~

同埋我最近係http://forum.popsheep.cn呢个论坛度开咗个号打算长蒲,希望各位识我既人多D离呢个论坛同我倾下计吹下水啦,如果去到唔知我係边个或者唔知我係边度,就去“爆水渠VS街八”嗰个区度发张标题为“老雀我离啦”或者类似之类既贴,咁我就会入去同你地吹水架啦,大家记得要离啊,係F就记得离啊,如果边个唔离……哼哼……

话说每年清明前后都会有厄运既呢个宿命睇离真係跟得我好紧

清明过后D事情发生得一件接一件,而且都唔係咩好事

首先身体上既变化,只暴猪咁唔好彩“中招”,我从来都未“中过招”架嘛……

跟住,恶疾缠身,我咳咗成个月再加多一个星期先算係好翻,仲咳到血都出埋离,去省中医院隔咗两个星期睇医生睇咗两次先好翻,第一次睇主任医师,第二次睇副主任医师

仲要第一次睇完医生食完药,冇任何效果,两个星期后,第二次下午睇完医生,药都未食啫,当晚翻到屋企马上发烧发到40度,仲要咁唔好彩医生开既嗰D哮喘药“阿斯美”係唔可以同埋D退烧药啊感冒药啊之类一齐食,否则会有生命危险(冇几耐之前有个女既就係将呢只药沟埋其它感冒药食跟住死咗,新闻都有讲),搞到我要烧够4日先可以食翻D咳药同饮医生开嗰D咳药凉茶……

呢次咳医咗我足足一个月,仲要係几乎“药石无灵”,仲要个医生话我会从此有少程度既哮喘,叫我自己以后注意D……天啊……

跟住工作上,我做嘢嗰度就唔好提了,到我自己既生意嗰度,上个月公司条数一塌糊涂,成个月只亏冇盈,搞到我一个月就要扔N多钱落去填数,真係一夜回到解放前,之后几个月我捻我真係斋追数都得了,希望租多第个新既地方同埋搞过D新既项目之后条数会从此之后靓仔D,否则真係百万身家都唔够我败,做老板,果然好惨……

财物上,部手机坏咗整咗我几百蚊就算了,然后整好呢几样,跌一跌,成个面盖飞咗出离,差D又要整,好彩我动手能力强自己整翻上去,然后个耳机接口又坏咗,又要整……我发誓以后唔再买索爱既机,一D都唔耐用,咁X易坏……

然后坏咗个电磁炉,换咗个新啦,热水器又换咗个新……算,唔数了,我冇眼睇了

最惨既就係今日去光孝寺拜神,本来捻住去拜神转转运啦,点知係门口撞到个“黄大仙”……“大仙”二话不说一句“我地有缘”就拉咗暴猪过旁边又睇相又算命,跟住顺便帮我又睇埋,跟住又帮我地赶小人转运咁,不过距又真係讲中咗几多嘢既,比如我前几个月既事就中咗好多……跟住我就要好无奈咁比咗N多钱比距,大仙仲话我唔够大方添……阿大仙啊大仙,你呢几十句话同两张符咒真係好值钱啊,小弟真係好想拜你为师做你徒弟,十几分钟咁短时间就赚咗咁多钱,好赚过我去打工或者係做生意啊,我做老板做生意都仲有风险要贴钱落去,你简直就几乎无本生利啊……真係提醒大家一句,以后如果唔想无端端比一堆钱“大仙”,就千其米比距地拉过旁边,否则你真係比钱距又肉赤,唔比钱距又唔係啊……

跟住嗰D我都懒得讲了,都唔知几时先有得转运,所以话,大家真係唔好唔信邪啊

但话说我地拜神嗰阵又发生咗一件趣事,话说当事好多和尚係大殿度念紧经,我同暴猪行埋去旁观,突然D和尚个个望住我地呢边(其它地方仲有其它人架),一直望到距地走都仲望……暴猪话点解个个和尚都望住晒,有个就望我,我就觉得嘛……肯定係D和尚见到暴猪,一眼就睇到距“简直係个妖孽”,于是就个个都望住距,个个都想讲话“大胆妖孽,日光日白居然敢走离佛门清静地撒野?等老纳离收伏你!”,剩翻望住我既嗰个,就係想同我讲话“施主,何以你旁边跟住个妖孽?”,但距讲唔出口,因为怕比我身边既嗰只“妖孽”杀距灭口,哈哈哈哈!

  评论这张
 
阅读(149)| 评论(19)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017