注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

(● ̄▽ ̄●)雀大人の雀★巢

☆Do you remember me?☆

 
 
 

日志

 
 

回想起司法机房的那些破事  

2010-06-16 07:29:13|  分类: 一事无成 |  标签: |举报 |字号 订阅

  下载LOFTER 我的照片书  |

今日玩玩下CS,突然捻起大概5年前司法机房既事

想当年我係司法被“强制住宿”(06届被取消既制度,06届之前一直都强制第一年住宿,第二年开始先可以申请走读),日日下午放学都会去机房玩,星期三就最欢了,可以玩到9点

嗰阵我係学校电脑维护组(或称机房维护组)既组长,大概可以算係以后既学生会电教部既前身吧(讲真而家既电教部水平简直就不堪一提),嗰阵机房未归学生会管既时候,机房係由我地管既,当时去上机,要买“网卡”,30蚊一张,卡上有30格,一蚊代表一格,一个钟两蚊,上一个钟机,要勾两格

当时我负责勾卡“扣钱”,见到相熟既人去上机,我就会故意勾少几格,甚至唔勾咁比距免费上机……哈哈,时至今日我先将呢个秘密讲出离,老萧都唔知架(萧勇,我当年既班主任,电脑老师)!

仲记得嗰阵我地2班CS技术最强既五个人被称为CS五天王,每次去机房打CS都会组成同一队既,好荣幸我都係CS五天王之中

当时我地五天王按实力排名第一係李龙辉,第二係我,第三係陈庭熙,第四係庄云龙,第五……唔好意思我唔记得咗你叫咩名,如果你见到既话过离报个到,哈

仲记得当时我地同由萧SIR为队长既学校“教师队”一战,地图为DUST2,我地做CT,我同李龙辉一人一支狙一人一个位守住B点,离一个杀一个,一次未死,其余3人全部或守A点,或做自由人打游击,连赢教师队32盘,一盘都未输过,战绩堪称辉煌,不过都係因为对手太差既缘故啫,真系估唔到班电脑老师日日系电教组练CS,居然咁既水平……哈哈

跟住嗰阵係机房打CS,由于我地五个係机房既实力好强,所以我地各人既CS用既名简直就响晒,我打CS嗰阵常用既名係“Twins”,有时候会用“Theresa”呢个名离掩饰自己既身份,基本上我会以AWP为主要武器,基本上当时有成日去机房打CS既人都会认得我个名既了,所以基本上个个见到我个名都会或者大叫,或者打醒精神小心谨慎咁同我对阵,因为好少有人可以单独係我支AWP下生存得到,仲记得有几次有人一见到我渣住支AWP跳出离,枪都未开,马上就掉头走,汗

不过嗰阵机房我地五个并非无敌,毕竟排名有异,实力亦有落差,当时03届有班师兄既水平非常高,特别係我记得既呢两个名既主人:YIO同KIO,距地嗰队人如果同我地队打,互有输赢,而仲有一个后来我转走读班后同我同班既人,距CS名叫AKZI,水平亦都非常高,当年未同距同班打CS既时候,我地五天王中,论同AKZI单挑既话,只要对方用紧AK呢支枪,就只有实力排名第一既李龙辉可以赢到距,我可以同距勉强一战但输赢难料,平心而论,步枪技术距係稍胜我一筹,其余既三位就难讲啦……

嗰阵我最中意就係同李龙辉一齐两支狙打阵地防御战,或者係同陈庭熙一人一支M4左右掩护打推进战,搞到嗰阵对雷达完全熟悉晒,边个点一消失我地马上就知道边度边个出事,而且我地嗰时係唔会玩单挑既,打趁都係打5V5或者10V10既组队战,大部分时间都打战术图(DUST2、AZ、意大利之类),当然啦,除咗我地五个我地班都仲有一大堆人抽CS既,其中表现最突出既就係黄哲同蔡颖两位仁兄啦,简称“夺命双煞”,点解咁讲呢?距地各自係队制战中都有个成名既经典动作,黄哲既经典动作就係扔闪光闪到自己人结果比人地乱枪扫死……至于蔡颖既经典动作嘛,讲出离大家唔好笑,就係揸住支重机枪,见到自己人既时候就跟住距死射咁,暴露晒自己同队友既位置比敌人听仲要问点解射唔死呢个人,跟住见到敌人既时候,互望咗几秒钟,居然唔开枪然后大家各自从大家身边行过然后背对住走咗,搞到全场一齐问“喂,你地识架?”……令我地一班已经牺牲咗但望住距地单挑既同志们当场有种想摞鼠标扔距既冲动……

可惜后来05届离咗之后机房变咗唔开放(后来又开翻),不过嗰阵我都走读啦,冇咩时间係学校玩,哈哈

虽然我好讨厌係学校住宿,因为除咗要比饭堂厄钱外,简直就係浪费紧人既时间,不过有机房既呢一段同战友们“南征北战”同咁“爆笑”既回忆,我承认住宿都唔係全部痛苦既,真係怀念当年抽CS既光阴啊

  评论这张
 
阅读(94)| 评论(2)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017