注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

(● ̄▽ ̄●)雀大人の雀★巢

☆Do you remember me?☆

 
 
 

日志

 
 

爆泡,请理解所谓尊重,或所谓信任  

2010-03-23 00:40:08|  分类: 受够 |  标签: |举报 |字号 订阅

  下载LOFTER 我的照片书  |

同我一齐咁耐,我唔知你到底有冇理解我既脾气

好,就算我当你唔知我既脾气,我系呢度清楚咁重复一次话比你听

我,好憎人地未经我同意就私自去郁我既嘢或者瞒住我去“帮”我做某D决定,无论嗰个人既身份系我既边个都好

再者就算你唔想知我既脾气都好,我好清楚好明确咁问你一样嘢:

你到底知唔知咩叫尊重人?

你疑心大,成日疑神疑鬼觉得我出去沟女,OK,我忍,虽然我只不过系日日系屋企唔系打机就系翻工

你成日疑神疑鬼我夜晚屋企会收埋个女人,OK,我忍,虽然我晚晚都系一个人同埋只猫训

你成日疑神疑鬼我唔复你既话就系同第个女人系度唔知搞咩,OK,我忍,虽然我唔复你既时候都系因为我忙紧,唔系去紧厕所就系洗紧头或者同只猫大战之类

你成日系我出咗去几乎一~两个钟都未有既情况下就死打电话离催我翻去或者死问我系边,OK,我忍,虽然我已经好明确咁讲咗比你听我去边同埋去做咩嘢,而且基本上都系正经事,同男人一齐

你成日唔准我提到某些特定名词,一提就发晒脾气,OK,我忍,虽然司法系我间学校既名,蛋亦都系每个人日常生活都一定会接触到既再普通不过既食物

你成日疑神疑鬼我之前边条女又稳翻我或者想沟翻我,OK,我忍,虽然我之前冇一条女讲过要沟翻我或者稳翻我,我亦冇同距地再有咩嘢交集

你成日一听到我手机响就会好大声咁问系边个稳我,成日我一打电话就专登要贴只耳埋离听,OK,我忍,虽然我手机有短信既时候一般都系天气预报,或者系其它普通男F打过离稳我

你成日会留意我BLOG有冇边个女人或者前女友走离睇,并且经常每次有新发现既时候都会“审”我,OK,我忍,虽然边个离我BLOG睇我控制唔到,而且全世界都会觉得人地去自己BLOG睇其实好正常

但有D嘢我实在觉得忍无可忍,毕竟人忍得太多始终有个极限係度

OK,今日同个同事讲,叫距加我Q,结果你后来居然同人地讲,叫人地加你Q唔好加我Q

我真系好想讲一句,你到底知唔知咩叫尊重啊小姐?如果唔知道,唔该你自己查字典啦!

原来系你眼中,我系公司同任何既女同事建立正常既朋友关系,就叫做沟女!我加任何女同事既Q,无论对方高矮肥瘦都好,都系因为我想沟女!

我系想沟女既话,我直接摞手机就得啦,做咩咁麻烦摞Q啊?做咩我唔连手机都摞埋啊?

系米我同全世界任何一个女人讲嘢,就叫想沟人啊?或者任何女人同我讲嘢,而且我地之间讲既嘢再正常不过,亦无任何身体接触,都叫想沟我啊?

OK!我想请问声,你同其它男同事建立朋友关系既时候,我有冇阻止过你?你成日加其它男Q或者比其它男加你Q而且嗰D男人已经好明确咁表示出想沟你既时候,你系度做咩嘢?!

其实,今日呢件事,只不过系一条导火索

当我叫你将呢D人拉黑之后,你又做过咩嘢?有几多人我叫你拉黑,最后过咗好耐你依然冇拉,需要我帮你拉?

每次你都总系用嗰几个借口!唔系话唔记得咗嗰个人个Q系边个,就系话唔知道嗰个人系边个分组!但每次嗰个人Q你既时候,你总系唔需要睇个人资料就认得出人地系边嗰窝!总有,你个Q分组有几十个咩?得嗰几个分组就唔记得人地系边个分组?你个Q有几千人呀?点解会唔记得嗰个人个Q系边个呀?点解你咁有趣既?又唔见我分组比你多,人数都比你多3倍,会唔记得人地系边个,系边个分组架?

仲有,你已经唔只一次出咗去玩但就厄我或者瞒住我冇话比我知,作N个大话离企图瞒天过海,又或者系超过规定时间都冇翻去囖窝,点解又唔见我会咁做既?

你可以出去唱K同第个男玩,仲玩D好“激”既游戏添,仲要冇话比我听窝,结果搞到后来“诽闻”满天飞吵到上BLOG,点解唔见我会发生D咁既事呢可?

仲有呢,你係米好中意将分手两个字成日挂係嘴边架?将分手两个字当成係食生菜又或者係你最讲得比你食饭既次数仲要多既一个名词?定係你既嗜好就系喜欢得闲冇嘢做就中意对住空气讲一千次分手?我想话你听呢,如果你真系咁喜欢分手,咁我唔该你就唔好係我面前扮晒嘢咁成日同我讲我爱你囖,好假啊,仲有老实咁同你讲句啊,当初如果唔系你咁喜欢将分手两字作为口头禅既话,我地亦都唔会真係分咗两次手囖,你亦都唔需要有两次你用尽一切办法同承诺去求我同你拖翻既经历同埋你到而家都仲咁耿耿于怀既我拖咗其它女既回忆囖,唔该你呢请你去理解翻一样嘢,分手呢两个字,咩情况可以讲,咩情况唔可以讲,同埋摞呢两个字做自己既口头禅,会有咩后果啊唔该

每次吵交,就算错嗰个系你都好,你永远都唔会后退一步,即使到我嬲到发晒脾气既地步,你依然会不顾一切咁同我顶到衡,即使系公共场所都好,我想问呢,你系米觉得咁样,自己有面D啊?你块面,镶金架?

仲有,成日讲话自己会出去沟仔,或者摞沟仔离威胁我,我想问你一句呢小姐啊,你当咗你自己系咩嘢啊?你又当咗我系咩嘢啊?咩你自己唔觉得,你身边既朋友当中已经有好多人认为你系一个好随便既人囖咩?你自己既F都咁对你讲过啦,难道你想将认为你随便既人数继续往上增加?

同埋呢,你已经系第几次应承过我会改D咩嘢,而你又系第几次改咗几日之后就彻底打回原型?呢个问题我从上年10月份讲到你而家,你依然丝毫冇变,当初求我同你拖翻既时候,就咩都应承我,改呢样改嗰样,仲要全部都话“一定”改到,结果拖翻冇几多日,或者改咗冇几多日,马上打回原形,比如嗰个将分手当口头禅既习惯,我上个月定系前个月先话完你,你亦应承过我会改,而家呢?我暗中帮你计过条数,你而家每日讲得最少嗰日都会讲起码4次既分手,仲要系不分时间地点同场合同个人情绪,甚至连大家玩紧嗰阵你都会突然爆句分手出离,咁到底系你唔知所谓“改”字既意思啊,定系你记性差得咁紧要过咗几日就会连自己想改咩都唔记得?

仲有,你讲嘢既方式同埋为人处事既态度甚至系望人既眼神都会令你非常容易得罪人,或者你唔想咁,但你如果改唔到,你只会一直都维持住非常容易惹麻烦既状态,同埋唔该你以后讲句话出离之前先转一转过自己既大脑思考一下,唔好成日不加思索就将D唔应该讲出离既嘢讲咗出离,我相信先思考自己既说话再讲出离对一个正常人离讲,应该唔系难度吧?

仲有呢,係QQ度将自己条仔拉黑系米真系甘好玩?呢样嘢既性质其实同埋将分手当口头禅系一样既,有D嘢你讲咗出离做咗出离,莫非你就完全唔考虑会有咩后果?而且你仲要系经常做呢D唔适当既嘢,你如果甘喜欢将人拉黑,我比个建议你啊,你起个细Q加自己大Q,每日拉黑1000次再拉翻上离1000次,好冇?咁我保证你够过瘾

诸如此类既嘢,太多,我都唔想讲落去了

我只重复强调一次,小姐,如果你唔识得咩叫信任对方,OK,或者信任对方对你离讲非常难做到,毕竟好多情侣都冇办法做到信任对方,好多人都有既一个通病,但唔该你起码理解咩叫做尊重对方,你知唔知长期同一个唔尊重自己既人起埋一齐、连做少少再正常不过既事情比如开住个BLOG就有女人离睇而且嗰个女人冇任何留言与动作且自己全不知情而且都唔识嗰个女人但结果都会被对方当成系犯咁审几个钟既感觉有几辛苦?如果你唔知何谓尊重,麻烦你稳本字典出离,自己查查尊重系咩意思

最后,我敢断言一句,呢句话我亦都系同你讲过既,系呢个广州,除咗我之外,冇任何一个男人可以系脱离“性”既前提底下忍受以上我所忍受既事情同你一齐超过两个月,记住,脱离咗“性”,除咗我之外绝对唔会有男人忍得到你超过60日,除非嗰个男人出世之后冇拍过拖,或者距已经好多年稳唔到女朋友,面临一世做寡佬既危险,又或者收受咗某D利益,又或者距不过当你系一件工具罢了

对男人落批文既准确率,我相信好多听过我批男人既人都好清楚我既准确率有几高

可能有D人讲得岩,你年纪太细了,脑笋都未生埋,根本唔识应该点同人相处

  评论这张
 
阅读(200)| 评论(57)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017