注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

(● ̄▽ ̄●)雀大人の雀★巢

☆Do you remember me?☆

 
 
 

日志

 
 

宅男养成攻略——系时候蒲下头了  

2010-02-23 04:39:00|  分类: 一事无成 |  标签: |举报 |字号 订阅

  下载LOFTER 我的照片书  |

又一段长时间冇上BLOG……冇办法,因为过年,而且最近沉迷了游戏,各种各样既游戏,三国杀、生化危机5、求生之路2、三国无双5等等,而且仲要追24,加埋一齐,我有时间上BLOG就奇

真系发现自己宅男成长ing,行为越离越倾向于宅男化,莫非我要回归原点重新变翻做当年既宅男?不过也罢了,反正近期潮流兴回归原点(最新出既OVA动画《机动战士独角兽高达》中既主角机独角兽高达机体型号设定就系RX-0,该型号被赋予既意义就系回归原点并开拓新时代,点解咁讲?熟悉高达正史并知道RX-78为何物既高达迷都会理解,如果你唔熟高达或者话只知道SEED同双蛋(00)高达既话我就算打篇论文长度既嘢出离解释比你听你都唔会明,有兴趣既就自己睇高达,冇兴趣既就当题外话睇完就算)

前几日买咗部新电脑,配置其实马马虎虎,主要配置CPU速龙X2 240、金士顿DDR2 800单条2G内存、西数320G硬盘、双敏Geforce 9600GSO

过年时候真系物价高,咩配件都涨晒价,仲要好多货都冇,本来想要三核自己开四核,距冇货,好囖我用翻K10架构既双核,想组4G双通道内存点知距内存价位接近300两条加埋差唔多600,痴线,上年呢个时候先百几咋嘛,买住一条2G先,最激气都系个显卡,一开始买嗰阵距话9800GT同9600GT差唔多架,叫我加钱换9800GT,好啦我加,点知一下次忽略咗冇认真检查,翻到屋企细看之下先发现原来买咗张打磨山寨假货显卡,外表同9800GT无异,都贴住9800GT既标签,但一测内核就知道系刷BIOS卡,根本唔系9800GT,只不过系一张8600M GS刷成9800GT既BIOS,实际上呢张卡既性能就系8600MGS,唔熟悉电脑硬件型号既人可能唔明其中既分别,简单解释下就系我买咗张性能低下已淘汰既上代显卡,而且仲要系手提电脑用既移动版显卡,性能只有正常同型号台式机用显卡既一半(科普一下,M代表移动版显卡)!跟住第二日就成部机捧翻过去叫距换过只比我,距居然话呢只卡玩游戏够问我玩咩玩唔到,睇离距卖电脑唔知而家D游戏高级,我买嗰阵已经讲明我玩生化5以上配置级别既游戏,距都仲够胆卖个假货比我?!一玩生化5卡成甘马上就穿煲啦!玩个三国无双仲卡过我上年嗰台显卡用X800PRO既奔4旧机!好啦然后距又话冇其他显卡货啦,全部都系呢类型既卡!跟住距就问张卡退货好唔好,折35蚊,我当然二话不说好啦!宁愿比距白赚35蚊都唔要得呢张废卡,难得距主动开口话退货,我仲惊距唔肯退添啊!跟住由于太夜于是第二日再跑去中六稳熟人买过新显卡,点知中六而家都冇咩货,9600GT得“太监版”,于是只好买9600GSO,十分无奈

呢次既经验话比大家听,买电脑千其唔到系过年前后,否则可选货少之余仲要价格高过平时,仲有天河买电脑假嘢多,路程远而且服务态度唔好,非必要既话唔一定要去天河买电脑,好多人都会以为天河系全广州电脑配件货源既集中地系嗰度买电脑选择比其它地方多而且价格便D,呢点确实无可厚非,但呢个定律既有效性都只限于对近期(一周内)行情了如指掌而且有渠道既行家罢了,如果系唔了解行情或冇渠道既人,去天河买电脑其实同去其它地方买系冇咩大分别,其它地方会系天河既代理商度摞货,你去天河买人地亦一样系同其它地方既商家一样去摞代理商既货,货源其实差唔多,而且天河买件选择性多亦都多咗个弊端出离就系假货亦多,就算对硬件有一定认识既都会被骗更何况系D唔识既人?而且买翻去后有咩问题之类既又要千里迢迢咁成部机摞翻去天河修换,浪费人力物力,车费都系翻你买便咗既嗰D差价度了,而且你唔好以为去天河买就一定可以买便,人地报价比你基本上系同其它地方一样既,除非你十分了解行情同嗰只配件既价格底线,否则你去天河买电脑就等于比人地赚你更多既钱罢了,有人可能会话我又唔买贵嘢点会比距赚呢,但我呢度所指既赚更多既钱并非指你买咗贵嘢,而系指你帮人地铿咗用于物流既钱,即车费之类,所以大家唔好盲目信从“买电脑一定系天河便靓正”既呢句话了,呢句话讲到尾都系羊群心理人云亦云而已,并非每个人都适用

最后讲下过年既收获,过年比利是我既人非常少,两位数都未够,区区8个,但系我今年过年未收过一封100蚊以下既利是,而一个人比300以上既我就起码收两个了,更唔好讲我姑姐一个人就比1000我,今年都算收获丰富了

  评论这张
 
阅读(67)| 评论(1)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017